【2026香港放狗好去處】狗公園、隱世放電跑草好去處推薦懶人包

各位petpetholics，有冇試過每次週末想帶狗狗去「放電」，結果去到現場發現人仲多過狗？其實香港除了熱門的西九和彭福，仲隱藏著不少隱世狗公園與寵物共享公園！這些地方不僅人流較少，環境更是美到像置身國外。

今天同大家開箱幾個好多狗主都未必知嘅放狗好去處，絕對係petpetholics舒適嘅草地秘密基地。如果你也想跟毛孩享受一個安靜、放鬆的午後，依篇「隱世放電狗公園」一定要收藏起來！

戶外狗狗放電首選：隱世放電跑草狗公園推介

放狗好去處｜ 1. 2026年新升級數碼港海濱公園

位於南港島嘅數碼港海濱公園已經完成優化工程，喺2026年2月初已經正式重開，絕對係今年嘅隱世狗狗放電首選！

數碼港海濱公園更被譽為南區最美日落聖地！數碼港海濱公園佔地足足有 60 萬平方呎，優化之後依然保留住嗰片令所有狗狗心心眼嘅超大草地。呢度除咗係放電天堂，更加係香港睇日落嘅聖地，同毛孩一齊喺草地睇住鹹蛋黃跌入海平線，新一年嘅好心情即刻返晒嚟！

放狗好去處｜ 2. 超隱世啟德主場館大草地

啟德唔止得AIRSIDE 附近嗰片大草地，其實喺啟德主場館附近，仲藏住一幅過萬呎嘅隱世大草地！！ 地方夠闊夠平坦，超適合帶狗狗嚟放電＋𣈱跑。

啟德東營大草地位置
草地位於 啟德主場館 J 閘口附近，由啟德零售館2館行過去大約10 分鐘左右～

路線小貼士：面向主場館轉左行（啟德帝盛酒店反方向），圍繞住主場館繼續行就會見到啦，由於草地屬於新落成區域，Google Maps 暫時未有準確地標。

溫馨提示：啟德東營大草地有機會因應主場館舉行嘅演唱會、比賽或有關活動而臨時封閉，出發前記得留意啟德體育園官網及活動公告 https://www.kaitaksportspark.com.hk/tc

泊車資訊
私家車可泊於 啟德主場館（南閘口），再乘搭升降機直上 J 閘口
週一至四（07:00–22:00）：HK$25／小時
週五至日及公眾假期（07:00–22:00） ：HK$27／小時

放狗好去處｜ 3. 港島海濱北角東岸板道東段

港島海濱終於全線貫通，由堅尼地城一路去到筲箕灣，成13公里咁長，可以同毛孩有更長嘅寵物友善路線，一齊沿海濱散步、睇風景啦～

北角東岸板道東段連接埋北角海濱花園同鰂魚涌，以後可以「一板貫通，暢踏西東」！板道係24小時開放（除咗玻璃觀景台），仲有寵物友善區！近電照街位置可以同牽住繩嘅毛孩一齊放電、睇維港，之後仲可以行埋板道散步～😍 明年仲會有多用途室同小食亭，行到攰又可以坐低chill下～

其他設施：

• 體驗式玻璃觀景台（每日10am–6pm開放，記得著指定鞋套）
• 多位本地藝術家嘅藝術裝置同壁畫，打卡一流📸
• 多個多功能空間，可以舉辦活動同展覽
• 海濱共享空間設計，人寵共融，散步、緩跑、踩單車都得～

睇更多2026最新放狗好去處！

想搵更多放狗好去處，立即click 入下面連結follow我哋IG睇更多放狗好去處！

放狗常見問題 Q&A