[2025年7月更新] 香港寵物友善商場｜18間寵物友善商場大比拼! 9間狗狗可落地

October 10, 2024

香港的寵物友善地方越來越多，不但有寵物友善餐廳、酒店、狗狗商場，還有各種寵物公園甚至寵物一起的露營的場所。而行商場係大部分香港人最愛的活動之一！PetPetHolic 為大家比拼全港九新界的寵物友善商場，等大家可以了解各個商場提供的各種設施！當中仲有8間寵物友善商場可以俾狗狗落地！

Follow IG 了解最新寵物好去處

港島區寵物友善商場

港島區寵物友善商場｜狗狗可牽繩落地｜THE SOUTHSIDE

THE SOUTHSIDE 變身成港島區全新貓狗好去處，由即日至7月16日，推出期間限定室內貓狗樂園「SUMMER PAWTY」，設有不同關卡及打卡位，讓顧客及貓狗在舒適的室內環境放電。THE SOUTHSIDE同時全面優化場內貓狗友善設施，涵蓋室內外活動空間、出行配套等多元化設施，全方位呵護各位「主子」的需要。

港島區寵物友善商場｜狗狗可牽繩落地｜赤柱廣場

著名的赤柱大街和歷史遺跡美利樓一直是旅遊熱點，吸引不少市民和遊客到訪。區內亦有唔少寵物友善cafe及餐廳等。赤柱廣場的最大特色在於翻新完畢的露天廣場，廣場設有300個座位，玻璃天幕半露天劇場和以海盜船為主題的遊樂場。赤柱廣場大部份店舖歡迎狗狗進入，商場餐廳及洗手間外都設有Dog Parking！赤柱廣場亦定時舉辦寵物活動、設置大量影相位，絕對是主人與毛孩的打卡好去處！

港島區寵物友善商場｜狗狗可牽繩落地｜山頂廣場

山頂廣場寵物友善程度高，狗狗亦可落地同有專用寵物lift！亦有不少寵物友善餐廳可選擇！最近位於山頂廣場的全港首個本地大型自拍體驗館 ”趣味時光留影館”剛於上星期宣布由2024年10月1日起免費入場。多個特色場景可以帶埋毛孩打卡！

港島區寵物友善商場｜狗狗可牽繩落地｜淺水灣The Pulse

淺水灣The Pulse商場亦屬於港島區狗狗可牽繩落地的商場之一！The Pulse亦是全港首間灘畔購物商場，商場樓高6層，2樓以上樓層都設有玻璃幕牆，讓顧客可一邊購物，一邊欣賞淺水灣優美景色。1樓位於淺水灣沙灘後方，特設多間「街舖」，其中開設了不少休閒食肆及咖啡店。多數商店都歡迎佢哋進入，商場內亦設有多個打卡位！

港島區寵物友善商場｜狗狗需放於寵物車或袋｜北角匯

北角匯設有全港首個VIPet Lounge毛孩豪華貴賓式體驗，商場齊集多間寵物友善商戶，結合位於商場上蓋、歡迎毛孩入住的酒店，同時毗鄰寵物公園、海濱人寵共融徑等公眾設施！

港島區寵物友善商場｜狗狗需放於寵物車或袋｜銅鑼灣wwwtc mall世貿中心

wwwtc mall世貿中心位於銅鑼灣告士打道，當中位於5樓的維港空中花園最受毛孩歡迎！商場4樓亦有多間寵物友善餐廳選擇如日式蛋包飯嘅喫茶店，仲有奶奶麻糬同招牌台灣牛肉麵嘅臺北棧！

港島區寵物友善商場｜狗狗可落地｜灣仔合和商場

合和商場屬於寵物友善商場，狗狗可落地！商場15樓仲有Barkyard寵物玩樂空間，Barkyard佔地6000平方呎，係一間集齊寵物百貨+美容+玩樂於一身嘅人寵生活館！入面嘅 BARK & MINGLE 寵物玩樂空間佔地大概300平方呎，環境寬敞、明亮，對於細中型犬嚟玩同放電簡直啱啱好！場地提供好多波波同埋滑板等玩具比狗狗玩，寵主可以嘆住飲品或者食物，chill住睇狗仔同其他朋友仔互動。

港島區寵物友善商場｜狗狗需放於寵物車或袋｜中環 IFC

IFC 允許寵物內進，但規則較為嚴格。毛孩不可在商場範圍內落地行走，需放在寵物車或袋，或以手抱方式同行。但商場間中會舉行唔同打卡活動，毛孩可前往前行打卡！

九龍區寵物友善商場

九龍區寵物友善商場｜狗狗可牽繩落地｜新蒲崗 Mikiki

Mikiki 商場餐廳暫時只有室外選擇，數量不算很多，但狗狗在商場範圍內落地行走外，更提供多種寵物服務，包括可租用約20架寵物車、免費口罩及尿墊！要注意的是，狗狗須配戴不長於1.5米的狗繩及口罩，不能進入超市，亦須視乎個別店舖意願才可進入商店。

九龍區寵物友善商場｜狗狗需放於寵物車或袋｜觀塘 APM

觀塘 APM屬於狗狗可進入商場，大狗都入得，但不可落地。但餐廳都不可進入，暫時亮點為天氣熱嘅時候避暑一流，一個可以涼冷氣的地方！

九龍區寵物友善商場｜狗狗需放於寵物車或袋｜圓方 Elements

商場有數間寵物友善餐廳，商場主要商戶為名牌店。行完商場可前往西九文化區！圓方商場亦提供免費寵物車供主人借用，主人亦可選了可選擇手抱寵物。

九龍區寵物友善商場｜狗狗可牽繩落地｜荔枝角 D2 Place

荔枝角 D2 Place天台設有大草地同時亦是靚靚打卡位，絕對是狗狗放電勝地之一！寵物不但可以進入商場亦可以同主人一齊shopping，商場會定期舉辦寵物友善市集，商場內亦有多間寵物用品店。

九龍區寵物友善商場｜狗狗需放於寵物車或袋｜九龍塘又一城

位於九龍塘的又一城商場，定期會舉辦不同的活動，不少狗狗亦會前往打卡拍照！部分舖頭都畀狗狗進入，但極少寵物友善餐廳選擇，屬於涼冷氣寵物友善商場！

新界區寵物友善商場

新界區寵物友善商場｜狗狗可牽繩落地｜馬鞍山 We Go Mall

大受馬鞍山區內毛孩歡迎嘅寵物友善商場Wegomall，商場室內全程可以拖繩俾狗狗落地行，而最吸引嘅就係佢頂層嘅空中花園，空間佔地20,000平方呎，可以安全咁比狗狗放繩狂奔放電！

商場地面及1樓都設有寵物用餐專區！地面餐廳打卡嘅地方比較多，空間感亦較為闊落，但留意餐廳設有最低消費。1樓就比較彈性，可以買外賣喺人寵共膳區內進食，商場每層都設有多個Pet station, 毛孩濕紙巾、垃圾膠袋消毒酒精一應俱全！

新界區寵物友善商場｜狗狗可牽繩落地｜荃灣南豐紗廠

荃灣南豐紗廠係不少毛孩的玩樂天堂，有廣闊的空間讓狗狗們自由奔跑放電！南豐紗廠設有大型平台位置供狗狗放電玩樂，落雨嘅時候又可以留喺室內shopping！商場經常有好多寵物市集活動，亦有不同的pet friendly餐廳選擇！

新界區寵物友善商場｜狗狗需放於寵物車或袋｜將軍澳PopCorn

將軍澳有好多寵物友善嘅商場， Popcorn係其中一間，每逢節日都會有啲好靚嘅裝飾，適合人類帶寵物一齊去打卡! 將軍澳係好pet friendly 嘅地方！附近又多寵物公園，將軍澳PopCorn商場一向歡迎主人帶同寵物到訪，場內要求寵物必須乘坐寵物車、袋或由主人抱起方可進入。商場範圍很大，亦有不少餐飲選擇。

新界區寵物友善商場｜狗狗需放於寵物車或袋｜沙田新城市廣場

沙田新城市廣場屬於新界區內的一個較大型嘅寵物友善商場，商場定期會舉辦唔同嘅主題活動，啱曬鍾意打卡嘅毛孩！但要注意商場範圍暫時都仲係要使用寵物車或寵物袋，如果想借用寵物車或了解更多寵物服務，可以向商場1期4樓或3期2樓顧客服務中心查詢，不過佢哋嘅寵物車只有極小量，小編問過1期有2部而3期只有1部。

商場的戶外區域亦設有狗公園，面積唔算好大，但都設有多項寵物遊樂設施包括：訓練跳躍度及反應的小腳掌踏跳台、訓練靈敏度的S形跑連續繞杆、培訓平衡力的高低平衡木，有興趣大家可以去1期1樓睇睇佢哋嘅寵物同樂園！😎